«Шахматнае» лета
Падчас летніх канікулаў педагогамі Маларыцкага раённага цэнтра дадатковай адукацыі дзяцей і моладзі праводзіцца шмат мерапрыемстваў, якія накіраваны на прапаганду здаровага ладу жыцця. Апошняе таму пацвярджэнне – спаборніцтвы па шахматах і шашках сярод рознаўзроставых атрадаў. Кемлівасць і майстэрства дэманстравалі хлопцы і дзяўчаты 4-9 класаў устаноў адукацыі г.Маларыта.
У выніковай турнірнай табліцы лепшымі шахматыстамі сталі: Кірыл Крэйдзіч (раённая гімназія, І месца), Глеб Ільюшонак (раённая гімназія, ІІ месца) і Артур Голуб (СШ №1, ІІІ месца). На шашачных дошках не было роўных Даніілу Кацярынічу (раённая гімназія, І месца), Дзянісу Салаўчуку (СШ №1, ІІ месца) і Вользе Панасюк (СШ №1, ІІІ месца).
Мікалай НАВУМЧЫК.
На здымку: момант шахматна-шашачных спаборніцтваў сярод рознаўзроставых атрадаў устаноў адукацыі Маларыты.
Опубликовано в “ГЧ” 12.08.2015 г.