Права на дзяцінства

Міністэрства юстыцыі Рэспублікі Беларусь падвяло вынікі штогадовага рэспубліканскага конкурсу дзіцячага малюнку “Права на дзяцінства”. Пераможцаў і прызёраў нядаўна  вызначыла  спецыяльна створаная прафесійная камісія. У іх лік трапіў і Андрэй Алесік з раённай гімназіі, які закончыў 5 “А” клас.

-Творчае спа­бор­ніцт­ва пра­водзілася сярод дзяцей у некалькіх уз­рос­тавых катэгорыях, — кажа Наталля Камянчук, загадчыца ад­дзела ЗАГС Маларыцкага райвыканкама. — Актыўны ўдзел у ім прынялі ка­лектывы ўстаноў аду­кацыі раёна. Аднак у выніку адбору ў Мінск на заключны этап былі накіраваны лепшыя малюнкі вучняў раённай гімназіі (9), СШ №1 (13), СШ №2 (3) і дзіцячай школы мастацтваў (5).
Адным з пераможцаў ва ўзро­ставай катэгорыі 7-12 гадоў стаў Андрэй Алесік. На суд журы ён прад­ставіў малюнак “Мірнае дзя­цінства”.
-Работа выканана гуашавымі фарбамі, — гаворыць Андрэй. – На ёй на ўзгорку, дзе шмат кветак, адлюстраваны танк. Ён упрыгожаны шарамі. На дулу, з якога выглядаюць кветкі і на якім сядзіць хлопчык, дзяўчынка гушкаецца на арэлях. Тэму для малюнка падказала Нэлі Андрэеўна Шпетная, класны кіраўнік. Намаляваў яго за адзін дзень.
Андрэй Алесік малюе з 5 гадоў. Гэтае захапленне яму перадалося ў спадчыну ад маці Аксаны Ана­тольеўны Мірчук, якая закончыла Кобрынскі прафесійна-тэх­нічны каледж выяўленчага мас­тацтва і народных мастацкіх промыслаў па спецыяльнасці “Настаўнік чарчэння і выяўленчага мастацтва”. Маляваннем Андрэй займаецца амаль кожны дзень у вольны час. Любімыя тэмы для творчасці — героі з савецкіх мультфільмаў, беларускіх і рускіх народных казак, эпізоды, звязаныя з падзеямі Вялікай Айчыннай вайны, а таксама — вясёлыя шаржы на аднакласнікаў.
…Узнагароджванне пера­мож­цаў конкурсу дзіцячага малюнку “Права на дзяцінства” нядаўна прайшло ў Міністэрстве юстыцыі Рэспублікі Беларусь. За першае месца ў творчым спаборніцтве Андрэй Алесік з рук Алега Леанідавіча Слі­жэўскага, Міністра юстыцыі, атрымаў дыплом і мультымедыйную акустычную сістэму.
Між іншым, гэта не першая вы­сокая ўзнагарода Андрэя Алесіка. У яго скарбонцы твор­чых дасягненняў, напрыклад, ёсць дыплом І ступені за ўдзел у міжнародным конкурсе дзіцячага малюнку, які праходзіў у Маскве.
Мікалай НАВУМЧЫК.
На здымках: Андрэй Алесік з Міністрам юстыцыі Рэспублікі Беларусь Алегам Сліжэўскім.

Опубликовано ГЧ № 45 от 15.06.16г.

Добавить комментарий


error: Незаконное копирование материалов сайта запрещено!