«Цуд прыходзіць з навагодняй казкі, Дабрабыт – заўсёды  з мазаля….»(Маларыцки раён)

Шаноўныя сябры! Калектыў рэдакцыі «Голас часу» віншуе Вас з Новым годам! Здароўя і шчасця! Няхай усе Вашы мары і жаданні споўняцца! 

Мікола Пацяюк (в. Ляхаўцы Маларыцкага раёна)

Кружыцца  нястомная планета,

У вякі ўплятаючы  гады,

Песенька старога года спета :

На парозе Новы –  малады.

Пажадаем разам апаўночы

Злагады і міру на Зямлі,

Хай усё ў нас будзе, як мы хочам,

Дзеткі каб шчаслівымі раслі;

Радасці, здароўя , Божай ласкі,

Хай расце  багацце спакваля.

Цуд прыходзіць з навагодняй казкі,

Дабрабыт – заўсёды  з мазаля.

Хай Любоў, Надзея, Вера, Згода

Аніколі  не пакінуць нас.

Шчасця вам зямнога!

                   З Новым Годам!

Новых перамог!  У  добры час!