Пяцідзясяты выпуск Маларыцкай дзіцячай школы мастацтваў

У Маларыцкай дзіцячай школе мастацтваў адбыўся юбілейны, 50-ы выпуск. З гэтай нагоды ў актавай зале сабраліся выпускнікі, іх бацькі, настаўнікі на ўрачысты вечар-канцэрт, падчас якога сваё майстэрства дэманстравалі выпускнікі. Сёлета ўстанову закончыла 39 чалавек, якія займаліся на 4 аддзяленнях. Яны з рук дырэктара Ірыны Пятрухінай атрымалі пасведчанні. Лепшыя вучні таксама былі ўзнагароджаны  граматамі.

Сваю гісторыю Маларыцкая дзяржаўная шко­ла мастацтваў пачала ў 1964 годзе як філіял ад Кобрынскай музычнай школы. Тады яе наведвала толькі 20 чалавек. Рашэннем Брэсцкага аблвыканкама афіцыйна ўста­нова свае дзверы гасцінна ад­чыніла з 1 верасня 1965 года, наведвала яе 67 вучняў. Пад школу быў перададзены бу­дынак Дома піянераў. У 1969 годзе ў ёй ужо займалася 100 чалавек, функцыянавала два аддзяленні. У 1973 годзе адкрыліся філіялы ў вёсках Ол­туш, Макраны. 1 верасня 1998 года ўстанова атрымала статус школы мас­тацтваў, а ў 2010 годзе му­зычныя школы вёсак раёна (Олтуш, Хаціслаў, Чарняны) былі ператвораны ў філіялы Маларыцкай дзяржаўнай шко­лы мастацтваў.

Фундамент установы – педагагічны ка­лектыў. У ім цяпер працуе 40 настаўнікаў. У 2018/2019 навучальным годзе на ха­рэаграфічным, мастацкім, му­зычным (фартэпіяна, скрыпка, баян, акардэон, балалайка, дом­ра, цымбалы), тэатральным, вакальным аддзяленнях  і ад­дзяленні фатаграфіі зай­ма­лася 464 вучні. Акрамя та­го, пры ўстанове працуе 8 педа­гагічных і 30 вучнёўскіх творчых калектываў, 19 з іх – у сельскай мясцовасці.

Маларыцкая дзіцячая школа мастацтваў не перастае здзіў­ляць шматграннасцю пад­рыхтоўкі юных талентаў. За апошнія гады пра­фе­сійнае майстэрства вуч­няў школы мастацтваў было заўважана і адзначана на абласных, рэс­публіканскіх і міжнародных творчых спа­бор­ніцтвах. На­прыклад, за 2018/2019 навучальны год вучні ўстановы адукацыі заваявалі 83 дыпломы, з іх 32 – першай ступені, 17 – другой ступені, 15 – трэцяй ступені, астатнія – дыпломы ўдзельнікаў. Амаль кожны год выпускнікі Мала­рыцкай дзяржаўнай школы мас­тацтваў паступаюць да­лей вучыцца ў сярэдне-спе­цыяльныя і вышэйшыя навучальныя ўстановы культуры і мастацтва. За перыяд з 2009 па 2018 гады  сту­дэнтамі  стала 59 чалавек.

                Мікалай НАВУМЧЫК.

Добавить комментарий


error: Незаконное копирование материалов сайта запрещено!