Фотападарожжа: раённы цэнтр народнай творчасці (Маларыта)

Вуліца Савецкая, д. 38 Маларыты. Паводле звестак, якія захаваліся, гэты дом быў пабудаваны адным па­ля­кам яшчэ ў 1928 годзе, а затым здадзены ў арэнду польскай паліцыі. Падчас Вя­лікай Айчыннай вайны ў ім размяшчалася ня­мецкая ваенная контрразведка. Пасля тут знаходзілася Маларыцкая раённая бібліятэка. Пэўны час размяшчалася друкарня. У розныя гады яна называлася па-рознаму. Напрыклад, у 1951-1956 гадах – гэта дру­карня раённай газеты “Сцяг Пе­рамогі”, у 1959 годзе – Маларыцкая раённая друкарня  Брэсцкага ўпраўлення куль­ту­ры, у 1965-1968 гадах – друкарня Брэсцкага абласнога ўпраўлення па друку ў Ма­ла­рыце, у 1984-1988 гадах – Маларыцкі ўчастак абласной друкарні ўпрпа­ліграфвыдата  Брэсц­кага аблвыканкама…

У чэрвені 2001 года былая друкарня райцэнтра стала месцам пастаяннай прапіскі Цэнтра народнай творчасці, які пачынаў сваю дзейнасць як Дом народнай творчасці ў в. Замшаны. Памятным для супрацоўнікаў стаў студзень 2013 года. Пасля капітальнага рамонту Маларыцкі раённы цэнтр народнай творчасці зноў адчыніў дзверы.

Да Дня горада, які сёлета праходзіў 21 верасня,  перад уваходам у раённы цэнтр на­роднай творчасці з’явілася дэкаратыўная агароджа, якую выкаваў Аляксандр Трахімук.

Будынак на Савецкай, 38, якому ўжо 91 год, выглядае маладым, радуе вока і ўпры­гож­вае наш райцэнтр.

Мікалай НАВУМЧЫК.

Матэрыялы праекта:

Маларыта — горад, што ў сэрцы жыве

Фотападарожжа ў прасторы і часе: чыгуначны вакзал

Фотападарожжа ў прасторы і часе: гарадскі стадыён

Фотападарожжа ў прасторы і часе: гасцініца «Юбілейная» (Маларыта)

Поделиться:
  •  
  • 11
  •  
  •  
  •  
  •  

Добавить комментарий


error: Незаконное копирование материалов сайта запрещено!