Маларытчане будуць прад­стаўляць Брэстчыну на заключным этапе прадметных рэс­публіканскіх алімпіяд

Нядаўна прайшоў трэці этап рэспубліканскай алімпіяды па вучэбных прадметах. Як і ў мінулыя гады, на гэтае інтэлектуальнае спаборніцтва змаглі па-ехаць тыя вучні з ліку пераможцаў на раённай алімпіядзе, якія правільна выканалі больш 50 працэнтаў заданняў і прайшлі рэйтынгавы абласны адбор. На абласныя алімпіяды традыцыйна збіраюцца самыя разумныя і адораныя вучні з усіх куткоў Брэстчыны. Канкурэнцыя тут сур’ёзная, а перамога гарантуе месца ў камандзе, якая хутка выступіць на рэспубліканскай алімпіядзе.

Маларытчына на трэ­цім эта­пе была прад­стаўлена 26 вуч­нямі з васьмі ўстаноў аду­кацыі раёна: дванаццаць – з раённай гімназіі, пяць – з СШ № 2, тры – з Лукаўскай СШ, па адным – з Гвозніцкага д/с-СШ, Збуражскага д/с-СШ, Ланской СШ, Ол­тушскай СШ і СШ №1.

Сёлета на абласным ін­тэ­лектуальным спа­борніцтве заваявана сем дыпломаў. З перамогай вярнуліся тры вуч­ні раённай гімназіі (дзе­сяцікласніца Ульяна Шпетная, дыплом І ступені па біялогіі, настаўнік Нелі Шпетная; адзі­наццацікласніца Вольга Крываблоцкая, дыплом ІІ ступені па грамадазнаўстве, настаўнік Ірына Сацюк; васьмікласнік Яўген Бурда (выступаў за 10 клас), дыплом ІІІ ступені па гісторыі, настаўнік Ірына Сацюк), па адным – СШ № 2 (дзевяцікласнік Данііл Раманюк, дыплом ІІІ ступені па фі­зіцы, настаўнік Сяргей Марашчук), Лукаўскай СШ (дзевяцікласнік Даніла Марук, дыплом ІІІ ступені па хіміі, настаўнік Вячаслаў Пацук), Ланской СШ (адзі­наццацікласнік Антон Касцючык, дыплом ІІІ ступені па грамадазнаўстве, на­стаўнік Віталь Касцю­чык), і Олтушскай СШ (дзесяцікласніца Ве­раніка Халопава, дыплом ІІІ ступені па гра­мадазнаўстве,  настаўнік Кацярына Алесік).

Некаторыя вучні ўс­таноў адукацыі раёна на трэцім этапе рэс­пуб­ліканскай алімпіяды выступалі не першы год. Напрыклад, Ульяна Шпетная ў мінулым навучальным годзе на такіх спаборніцтвах за­ваявала дыплом ІІІ ступені па біялогіі, Антон Касцючык  – дыплом ІІІ ступені па гра­мадазнаўстве.

Заслугоўвае ўвагі дыплом ІІІ ступені вучня 8 “А” класа раённай гім­назіі Яўгена Бурды. Ён у мінулым го-дзе на раённым этапе рэспубліканскай алім­піяды па гісторыі сярод дзесяцікласнікаў заняў дру­гое выні­ковае месца, а на аб­ласным этапе  стаў сям­наццатым. На раённым этапе сярод сямікласнікаў  Яўген ужо заняў першае мес­ца. Юны гісторык  таксама прымаў удзел на раённай алімпіядзе па гісторыі за дзявяты клас. Тут Яўгену такса­ма спадарожнічаў поспех. Ён зноў стаў леп­шым, а на абласной алімпіядзе быў ўз­нагароджаны дыпломам трэцяй ступені.

Хутка Вольга Крываблоцкая і Ульяна Шпет­­ная будуць прад­стаўляць Брэстчыну на заключным этапе прадметных рэс­публіканскіх алімпіяд.

 Між   іншым,  у мінулым навучальным годзе вучні Маларытчыны на аб­­ласной алімпіядзе “ўзя­лі” восем дыпломаў трэцяй ступені.

 Мікалай НАВУМЧЫК.

Поделиться:
  •  
  • 22
  •  
  •  
  •  
  •  

Добавить комментарий


error: Незаконное копирование материалов сайта запрещено!