Акцыя памяці “У славу агульнай Перамогі!” на Маларытчыне

На Маларытчыне на працягу сакавіка праходзіў І этап міжнароднай акцыі памяці “У славу агульнай Перамогі!”, у якой прынялі актыўны ўдзел прадстаўнікі органаў мясцовай улады, грамадскіх і ветэранскіх аб’яднанняў, а таксама вучні ўстаноў адукацыі раёна. Мерапрыемства прымеркавана да 75-годдзя Перамогі савецкага народа ў Вялікай Айчыннай вайне.

Мэта гэтай маштабнай акцыі – захаваць гістарычную памяць аб ваенных дзеяннях Вялікай Айчыннай вайны, увекавечванне імёнаў яе ўдзельнікаў. Згодна з умовамі мерапрыемства, на Маларытчыне, як і па ўсёй краіне, неабходна было ўзяць па сімвалічнай жменьцы зямлі з усіх воінскіх пахаванняў і мемарыялаў, магіл ахвяр фашызму.

– Сабраная зямля змеш­чана ў адну капсулу і хут­ка будзе перададзе­на ў Брэст, а затым у Мінск, – адзначыла метадыст раённага метадычнага цэнтра культурна-асветніцкай работы аддзела ідэалагічнай работы, культуры і па справах моладзі райвыканкама Людміла Бягеза. – Таксама да капсулы будзе дадавацца інфармацыя пра месца забору зямлі, прыкладвацца спіс імё­наў тых, хто загінуў, інфармацыя пра мясцовасць і людзей, якія ўнеслі ўклад у разгром фашызму.

У канцэпцыі акцыі па­мяці гаворыцца, што “зям­ля з месцаў воінскай славы і гібелі мірнага на­сельніцтва, зямля з ра­дзімы – святыня. Пакуль час не сцёр падзеі і даты, гэтую зямлю збіраюць у адной прасторы крыпты храма-помніка ў гонар Усіх Святых і ў памяць аб ахвярах, якія выратаванню Айчыны нашай паслужылі, у Мінску для вечнай малітоўнай памяці. Такім чынам будуць уз’яднаныя ў народнай памяці ўсе, хто змагаўся плячом да пляча, здабываючы агульную для ўсіх Перамогу ў розных месцах баявых дзеянняў Вялікай Айчыннай вайны”. Плануецца, што 9 мая 2020 года імянныя капсулы, у тым ліку і з нашага раёна, будуць урачыста змешчаны ў крыпту гэтага храма-помніка.

Нязгасную сілу волі, цвёр­дасць духу праявіў наш народ у гады Вялікай Айчыннай вайны, унёсшы свой уклад у Перамогу. Крывёю не ад­ной тысячы ахвяр фа­шызму паліта зямля Маларытчыны. Мы павінны памя­таць тых, хто да апошняй кроплі крыві абараняў сваю Радзіму, паклаўшы на алтар перамогі сваё жыццё, хто аддаў яго за мірную будучыню. Іх імёны ўве­кавечаны ў помніках, абе­лісках, мемарыяльных комплексах. Цяпер у раёне налічваецца 81 помнік воінскай славы і па­хаванняў. 31 аб’ект уключаны ў спіс, якому нададзены статус гіс­то­рыка-культурнай каш­тоўнасці.

Мы, сучаснікі, не павінны пакінуць іх без увагі. Гэта неабходна для таго, каб кожны з нас памятаў, якою цаною заваявана на­ша мірнае і шчаслівае жыццё.

Мікалай НАВУМЧЫК.

Поделиться:
  •  
  • 9
  •  
  •  
  •  
  •  

Добавить комментарий


error: Незаконное копирование материалов сайта запрещено!