Раскорм” заваёўвае рынкі Расіі (Маларыцкі раён)

Таварыства з абмежаванай адказнасцю “Раскорм” было заснавана ў лістападзе 2004 года ААТ “Савушкін прадукт” (г.Брэст). “Раскорм” – піянер на тэрыторыі Беларусі ў вытворчасці заменніка цэльнага сухога малака для сельскагаспадарчай жывёлы. 

Работнікі «Раскорма» вадзіцель пагрузчыка Алег Мірсук і слесар-рамонтнік Аляксандр Бурштын

– Гэты год яшчэ пра­цяг­­ваецца, але ўжо мож­на гаварыць,  што для нас ён стаў удалым: “Раскорм”  значна павялічыў  аб’ёмы вы­творчасці. — расказвае дырэктар прадпрыемства Вольга Галоўчык. — За змену на новым абсталяванні вырабляецца ў сярэднім ад 20 да 40 тон высакаякаснай прадукцыі. Агульны аб’ём за­мен­нікаў малака ўсіх відаў цяпер складае 800-900 тон у месяц. Увесь прадукт, што выпускаецца, рэалізуецца на тэрыторыі Беларусі і Расіі. У Мінску “Раскорм” мае свой офіс, які так­сама займаецца ар­ганізацыяй продажу прадукцыі.

З 2019 года, па словах Вольгі Галоўчык,  прадпрыемства суп­ра­цоўнічае з адным з вядомых холдынгаў і вытворцаў свініны на расійскім рынку — кам­паніяй “Мироторг”. Гэта сведчыць аб высокай якасці прадукцыі, якую выпускае “Раскорм”. Між  іншым,  кантроль за якасцю кармоў ажыццяўляецца згодна з кармавымі рэгламентамі і ветэрынарнымі па­тра­баваннямі Рэспублікі Беларусь. Прадукцыя, якая выпускаецца на прадпрыемстве, мае адпаведныя сертыфікаты якасці.

– Пастаўкі “Раскормам” вядуцца бесперапынна на 5 камбі­кормавых пляцовак Белгародскай вобласці,  — працягвае Вольга Уладзіміраўна. – У месяц ад­гру­жаецца да 500 тон заменніка малака “Аграмікс”. Заваяваць да­вер такога патрабаваль­нага пакупніка было не проста! Мы таксама цяпер супрацоўнічаем і з некалькімі трэйдарамі ў Маскве і Санкт-Пе­цяр­бургу. У іх свае асаблівыя патрабаванні да паставак і якасці, якія “Раскорм” таксама вытрымлівае. Са жніўня 2020 года мы пачалі працаваць у Пскоўскай вобласці. Пер­шыя пробныя 20 тон нашага заменніка малака там атрымалі станоўчыя вод­гукі. Цяпер вядуцца перамовы з пакупнікамі ў Калінінградзе. У планах адкрыць наша прад­стаўніцтва яшчэ  і ў Краснадары.

– Вольга Уладзіміраўна, колькі цяпер вашай пра­дукцыі рэалізуецца на тэрыторыі Беларусі?

– На беларускі рынак мы пастаўляем прыкладна каля 200 тон заменнікаў  малака штомесяц. Акрамя паставак нашай прадукцыі спажыўцам сыравіннай зоны ААТ “Савушкін прадукт”, “Раскорм” суп­ра­цоўнічае з буйнымі сві­накомплексамі  Брэсцкай і Мінскай абласцей. Акрамя таго, з верасня гэтага года мы пачалі рэалізацыю за­меннікаў малака “Аграмікс” у гандлёвую сетку. У рознічным гандлі прад­стаўлены толь­кі самыя яго запатрабаваныя віды. Наша прадпрыемства працуе і па ін­ды­відуальных заяў­ках.

– Вольга Уладзіміраўна, ТАА “Раскорм” цяпер не толькі выпускае і рэа­лізуе прадукцыю для сельс­кагаспадарчай жывёлы. Прадпрыемства па­шырыла  накірункі сваёй дзейнасці. Ці не так?

– Так. Гэта патрабаванне часу. “Раскорм” цяпер таксама аказвае паслугі па дастаўцы та­­вараў, займаецца гру­заперавозкамі,  пра­дас­­­таўляе тавары для ферм: мыючыя і дэ­зін­­­фіцыруючыя сродкі, сродкі для вызначэння якасці малака і апрацоўкі вымя, фільтруючыя элементы  і інш…

Асноўнае багацце прад­прыемст­ва – людзі, якія на ім пра­­­цуюць. Баланс вопыту і энер­гіі робіць “Раскорм” цяпер прафесіянальна моцным, на­кі­ра­ваным на ад­ну мэту – дасягнуць стабільнасці ў рабоце.

Напрыклад, за якасцю сыравіны і гатовай прадукцыі вось ужо 16 гадоў сочыць тэхнік-тэхнолаг Ала Хатынюк. Увесь вытворчы працэс ўсе гэтыя гады “кан­тралюе” загадчыца вы­творчасці Кацярына Ля­мачка. Складаннем і выкананнем усіх графікаў паставак,  даклад­ным і якасным афармленнем дакументаў,  адгрузкамі  займаецца намеснік дырэктара Андрэй  Коцел. Не менш старанна і адказна працуюць і іншыя супрацоўнікі ТАА “Раскорм”.

Мікалай НАВУМЧЫК.