Юрый Вітрук аб тым што турбуе: «Лёгка і проста нічога не даецца….» (Маларыцкі раён)

Дэлегат на VI Усебеларускі народны сход, дэпутат раённага Савета дэпутатаў, дырэктар Ма­ларыцкага кансервава­гароднінасушыльнага кам­біната Юрый Вітрук падзяліўся сваімі меркаваннямі напя­рэ­дадні важнай палітычнай падзеі 

Фото БЕЛТА

– Для мяне прыемная нечаканасць – стаць удзельнікам гэтай значнай палітычнай па­дзеі, – гаворыць Юрый Іванавіч. – Магчымасць прадстаўляць наш раён на мерапрыемстве такога маштабу – вялікі гонар і адказнасць. Тое, што тур­буе сёння жыхароў краіны, тур­буе і мяне. Найперш, што і як неабходна зрабіць, каб паляпшалася наша жыццё?  Лічу, што цяпер самае простае і га­лоўнае заключаецца ў наступным: каб добра жыць, трэба лепш працаваць. А для добрай працы патрэбны стабільнасць, паступальны рух наперад, канкурэнта­здольнасць,  пашырэнне рынкаў збыту… Лёгка і проста нічога не даецца. Напрыклад, без згуртавана­га калектыву аднадумцаў, прафесіяналаў, якія працуюць на нашым камбінаце на канчатковы вынік,  прадуманай стратэгіі развіцця, узважанай маркетынгавай палітыкі вынікаў дасягнуць нельга. Значны плюс для такіх прадпрыемстваў, як наша, падтрымка дзяржавы – Беларускага дзяржаўнага канцэрна харчовай прамысловасці. Без падтрымкі не было б паступальнага руху наперад і стабільнага развіцця прадпрыемства, яго мадэрнізацыі, тэхнічнага пераўзбраення. Мяркуйце самі.

У 2000 годзе Мала­рыц­кі кан­сервава­гародніна­су­шыль­ны камбінат быў ператвораны ў адкрытае акцыянернае таварыства. Гэта дало імпульс для яго далейшага развіцця. Гадавыя вытворчыя магутнасці ў 2004 го-дзе склалі: па кансервах – 8 мільёнаў умоўных слоікаў. У 2004 годзе ў адпаведнасці з прэзідэнцкай праграмай “Дзеці Беларусі” пачалася рэканструкцыя сушыльнага цэха пад цэх дзіцячага харчавання. У 2005 годзе праведзена рэканструкцыя сушыльнага цэха пад цэх дзіцячага харчавання магутнасцю 5 мільёнаў умоўных слоікаў у год. Гэта дало магчымасць замяніць устарэлае абсталяванне на прагрэсіўнае, тэхнічна і тэхналагічна новае і эфектыўнае. Новым штуршком для развіцця кам­біната стала “Праграма раз­віцця кансервавай галіны ААТ “Ма­ларыцкі кансервава­га­роднінасушыльны камбінат” на 2006-2010 гады”. Яна прадугледжвала далейшае развіццё вытворчасці, павелічэнне выпуску кан­серваў, выкарыстанне мак­сімальна свежай мясцовай сыравіны і паўфабрыкатаў уласнай вытворчасці. У апошні час быў уведзены ў эксплуатацыю склад для пюрэ-паўфабрыкатаў і свежай сельскагаспадарчай сыравіны, пачала дзейнічаць свая модульная кацельная.  Важным крокам стала тое, што пагрузачна-разгрузачныя работы былі поўнасцю механізаваны, а ручная праца зведзена да мінімуму. Выпуск  кансерваў, напрыклад, у 2020 годзе павялічыўся да 14 мільёнаў умоўных слоікаў у год.

У 2015 годзе камбінат першы ў Беларусі пачаў вы­карыстоўваць упакоўку тыпу “Паўч”. У канцы снежня 2020 года пачаліся работы па закупцы другой лініі па разліву пюрэ і сокаў для дзіцячага харчавання ў гібкую ўпакоўку (пакеты тыпу “Паўч”),  для якой будзе характэрна высокая ступень аўтаматызацыі,  дзе ручная праца зводзіцца да мінімуму. Гэта павялічыць вытворчасць прадукцыі ў 2 разы,  зменшыць кошт яе выпуску.

У 2020 годзе была ма­дэрнізіравана трансфарматарная падстанцыя з мэтай эканоміі і больш  рацыянальнага выкарыстання электраэнергіі. Акрамя таго, замест некалькіх свідравін, якія забяспечваюць камбінат вадой на працягу  значнага часу, будзе зманціравана адна новая, глыбінёй больш за 200 метраў. Будуць уста­ноўлены новыя помпы і сіс­тэма аўтаматызацыі з мі­ні­мальным умяшальніцтвам рабочага персаналу. Такса­ма была пабудавана новая вагавая пляцоўка для ўзважвання вялікагрузнага аўтамабільнага транспарту вагой больш за 60 тон.  У планах – далейшае ўдасканальван-не тэхналагічнага працэсу, ства­рэнне новых рэцэптур і навінак. 

Рэалізацыя пералічаных пла­наў прадугледжвае значную суму грашовых сродкаў. Лічу, што падтрымка дзяржавай такіх прадпрыемстваў, напрыклад, як наша, забяспечыць захаванне палітычнай стабільнасці, устойлівасці эка­номікі і сацыяльнай абароны насельніцтва. Чакаю, што на Усебеларускім народным сходзе агульнымі намаганнямі будзе вызначаны дакладны і, галоўнае, эфектыўны курс развіцця дзяр­жавы як мінімум на новую пяцігодку.

Мікалай НАВУМЧЫК.

 

Поделиться:
  •  
  • 6
  •  
  •  
  •  
  •  

Добавить комментарий


error: Незаконное копирование материалов сайта запрещено!