Алімпіядныя поспехі маларытчан

У студзені праводзіўся трэці этап рэспубліканскай алімпіяды. У інтэлектуальным спаборніцтве прыняла ўдзел і каманда Маларытчыны. Пасля абласнога рэйтынгавага адбору гонар раёна выпала абараняць 27 вучням устаноў адукацыі па 12 прадметах: хіміі, біялогіі, фізіцы, астраноміі, працы (тэхнічнай і абслуговай), гісторыі, грамадазнаўству, матэматыцы,  геаграфіі, беларускай мове і літаратуры, інфарматыцы. Між іншым, трэці этап рэспубліканскай алімпіяды праводзіўся ў Брэсце, Кобрыне, Баранавічах, Пінску, а па матэматыцы – на базе Маларыцкага ліцэя сельскагаспадарчай вытворчасці.

Уладальнікі дыпломаў і стапені алімпіяды Ульяна Шпетная і Арцём Піпко

Па выніках інтэ­лек­туальнага спаборніцтва 11 вучняў устаноў аду­кацыі Маларытчыны (40,7% ад агульнай коль­касці ўдзельнікаў) узнагароджаны дыпломамі  рознай вартасці.

Дыпломы першай сту­пені атрымалі: ву­ча­ніца 11 класа раён­най гімназіі Ульяна Шпетная – па біялогіі (настаўніца Нэлі Шпетная) і вучань 10  класа раённай гімназіі  Арцём Піпко – па матэматыцы  (настаўнік Таццяна Дацык). Дыпломы другой ступені трэцяга этапу рэспубліканскай алімпіяды сёлета апы­нуліся ў скарбонцы да­сягненняў вучня 9 класа Ланской СШ Яўгенія Крэня – па фізіцы (на­стаўнік Ніна Канашук), вучаніцы 9 класа раённай гімназіі Маргарыты Федарук – па біялогіі (нас­таўнік Нэлі Шпетная), вучня 9 класа раённай гімназіі Яўгена Бурды – па гісторыі (выступаў за 10 клас, настаўнік Ірына Сацюк),  вучня  8 класа СШ № 1 Яўгена Сымоніка – па геаграфіі (да Новага года з’яўляўся вучнем СШ № 2, выступаў за 9 клас, настаўнік Юрый Сымонік).

Дыпломамі трэцяй сту­пені ўзнагароджаны:  вучань 11 класа Збуражскага д/с-СШ Ян Чэслак – па матэматыцы (настаўнік Ала Наўрось), вучаніца 11класа Іна Алесіюк і вучань 10 класа Даніла Марук з Лукаўскай СШ – па хіміі (настаўнік Вячаслаў Пацук), вучань 11 класа раённай гімназіі Данііл Луцык  – па інфарматыцы (настаўнік Ігар Гардынец), а таксама вучаніца 11 класа  Олтушскай СШ Ганна Гусак – па беларус­кай мове і літаратуры (нас­таўнік Ірына Каралюк).

Цяпер ідзе фар­мі­раванне абласной каманды для ўдзелу ў заключным этапе рэс­публіканскай алім­піяды. Ульяна Шпетная і Арцём Піпко будуць  у ім прымаць удзел. Магчы­ма, у склад зборнай каманды вобласці трапяць яшчэ і тыя вучні, якія ўзнагароджаны дып­ломамі другой ступені.

Мікалай НАВУМЧЫК.

Поделиться:
  •  
  • 9
  •  
  •  
  •  
  •  

Добавить комментарий


error: Незаконное копирование материалов сайта запрещено!