Выставка игрушек СССР в Малорите. Есть довольно интересные экземпляры

Нядаўна для навучэнцаў Маларыцкага пра­фесійнага ліцэя сельскагаспадарчай выт­ворчасці адміністрацыя ўстановы арганіза­ва­ла не зусім звычайнае мерапрыемства. У спар­тыўнай зале прайшла рэтравыстава. На ёй было прадстаўлена амаль 80 дзіцячых цацак часоў СССР. Гэта – трактары, экскаватары, мотаролеры, картынгі, кабрыялеты з калекцыі жыхара Брэста Аляксандра Хільковіча.

– Аляксандр Віктаравіч – вы­пускнік Маларыцкага прафе­сійнага ліцэя сельскагаспадарчай вытворчасці, – гаворыць намеснік дырэктара па вучэбна-выхаваўчай рабоце Аксана Мірчук. – У нашай установе адукацыі ён вучыўся ў 2006-2009 гадах. Некаторы час па набытай у нас спецыяльнасці працаваў у Брэсцкай кацельнай гаспадарцы. 

Асноўнае на выставе – дзіцячыя машынкі савецкай вытворчасці: старэнькія грузавікі, педальныя “Масквічы”, “Жыгулі”. Аляксандр Хільковіч не проста ўжо некалькі гадоў збірае цацкі часоў Савецкага Саюза, але і вяртае іх да жыцця – рэстаўрыруе. Акрамя  цацачных машын, брастаўчанін таксама калекцыяніруе дзіцячыя веласіпеды, якія выпускаліся ў СССР,  і іншы транспарт. Усё гэта таксама было прадстаўлена на выставе.

Аляксандр Хільковіч для наву­чэнцаў правёў цікавыя экскурсіі, падрабязна расказаўшы пра некаторыя мадэлі дзіцячых рэтрамашын, адказаў на пытанні.

Мікалай  НАВУМЧЫК.