Маларытчане паўдзельнічалі ў абласным этапе рэспубліканскага чэмпіянату “Ведаю Беларусь”

На гэтым тыдні ў Брэсце прайшоў абласны этап рэспубліканскага чэмпіянату «Ведаю Беларусь» па хуткаснай зборцы спілс-карт Рэспублікі Беларусь. У парку культуры і адпачынку «1 Мая» сабраліся наймацнейшыя каманды сярод рэгіёнаў Брэсцкай вобласці.

Маларыцкі раён прад­стаў­ляла каманда «Патрыёты» Велі­карыцкай ся­рэдняй школы імя П.В.Саевіча ў складзе Крысціны Краўчук, Ілоны Кру­пеніч, Сафіі Разановіч.

Беларускі рэс­пуб­лі­канскі саюз мо­ладзі з’яўляецца арга­ніза­та­рам маштабнага патрыятычнага праекта «Ведаю Беларусь», прысвечанага Году народнага адзінства. Ініцыятыва БРСМ накі­равана на падтрымку грамадзянска-патрыятычнага выхавання моладзі розных узроставых катэгорый.

Трапіць на гульню па хуткаснай зборцы спілс-карт – гэта была наша асабістая іні­цыятыва. Зборка спілс-карт – гэ­та магчымасць адчуць камандны дух і падтрымку адзін аднаго.

Спілс-карта з’яў­ляецца гульнявым да­паможнікам па вы­вучэнні адмі­ні­стра­цыйна-тэрыта­рыяль­нага падзелу нашай краі­ны, яна ўяўляе сабой камплект магнітных гуль­нявых элементаў, якія маюць візуальную форму геаграфічных межаў раёнаў Беларусі.

Ці хваляваліся дзяў­чаты з каманды? Не, былі настроены на дасягненне вынікаў, на атрыманне эмоцый.

«Галоўнае ж не перамога, а ўдзел!» – з такім баявым настроем удзельнікам каманды хацелася хутчэй пры-с­тупіць да зборкі карты і праверыць свае веды. Мора эмоцый і задавальнення, знаёмства з удзельнікамі праекта, пазітыўны настрой і баявы дух адчуваліся на працягу ўсяго мерапрыемства.

Па выніках гульні былі вызначаны перамож­цы, якія будуць абараняць Брэсцкую вобласць на заключным этапе ў г. Мінску. Мы абавязкова падтрымаем іх думкамі і пажадаем перамогі.

Таццяна Касцючык, педагог-арганізатар.

Поделиться:
  •  
  • 4
  •  
  •  
  •  
  •  

Добавить комментарий