Адпраўка ў войскі прызыўнікоў пачалася ў Маларыцкім раёне

У краіне пачалася ад­праўка грамадзян, прызваных на тэр­мі­новую ваенную службу, службу ў рэзерве, у злу­чэнні і вайсковыя час­ці Узброеных Сіл, іншыя войскі і вайсковыя фарміраванні. У Ма­ларыцкім райваенкамаце падкрэслілі, што яна праходзіць у штат­ным рэжыме.

– У асеннім прызыве 2021 года  будзе трынаццаць ад­правак у перыяд з 25 каст­рычніка па 19 лістапада,  – га­ворыць ваенны камісар Ма­ларыцкага раёна Аляксандр Праўдзін. – Новы этап  у жыцці пачнецца амаль для 60 юнакоў нашага рэгіёна. 

Дваццаць пятага каст­рыч­ніка ў войска ад нашага раёна накіравана тры маладыя чалавекі ў 72-і гвардзейскі аб’яднаны вучэбны цэнтр падрыхтоўкі прапаршчыкаў і малодшых спецыялістаў (г.Барысаў). Канстанцін Ка­ва­левіч у “вучэбцы” будзе набываць спецыяльнасць на­водчыка-танкіста,  а Мікалай Ку­лічык і Яўген Трушко – спе­цыяльнасць  механіка-вадзіцеля танка.

– Я закончыў  Брэсцкі тэх­нічны ўніверсітэт і набыў спе­цыяльнасць  інжынера па электронных сістэмах, – гаворыць Яўген Трушко.  – Настрой баявы,  і служба ў арміі мяне не палохае. Цяжкасці,  якія, магчыма, і ўзнікнуць, змагу пераадолець. Лічу, што кожны юнак абавязкова па­вінен яе прайсці, калі няма супрацьпаказанняў па стане здароўя. Спецыяльнасць,  якую набуду за час пра­ходжання тэрміновай службы,  думаю,  лішняй не будзе. Спадзяюся, што армія дапаможа больш загартавац­ца фізічна і выхавае дыс­цып­лі­наванасць.

Асенні прызыў 2021 года пра­дугледжвае, што мала­рыц­­кія юнакі свой армейскі абавязак будуць выконваць у такіх гарадах,  як Баранавічы, Барысаў,  Брэст, Гомель,  Грод­на,  Мінск, Слонім, Слуцк.

Ваенны камісар Маларыц­кага раёна Аляксандр Праў­дзін уручыў юнакам ваенныя бі­леты, пажадаў хутка ўліцца ў вайсковы строй, авалодаць сучасным узбраеннем і тэхнікай. Ён выказаў упэўненасць, што прызыўнікі Маларытчыны на высокім узроўні будуць выконваць па­стаўленыя камандаваннем задачы,  навучацца вытрымцы, пасталеюць, спазнаюць, што та­кое адказнасць, вайсковая таварыскасць, самаадданасць.

Мікалай НАВУМЧЫК.