Навучэнцы Маларыцкага ліцэя сярод пераможцаў абласнога этапу рэспубліканскага конкурсу “ТэхнаЁлка”

Падведзены вынікі абласнога этапу рэспубліканскага конкурсу “ТэхнаЁлка” сярод устаноў прафесійна-тэхнічнай і сярэдняй спецыяльнай адукацыі. Творчае спаборніцтва праводзілася з мэтаю актывізацыі работы па далучэнні вучнёўскай моладзі да навукова-тэхнічнай творчасці, выяўлення і падтрымкі тале­навітай і адоранай моладзі, пошуку новых творчых метадаў і прыёмаў, дызайнерскіх ідэй, тэхнічных і інавацыйных рашэнняў у стварэнні навагодняй ёлкі. У конкурсе прыняла ўдзел 31 установа адукацыі вобласці. На суд кампетэнтнага журы было прадстаўлена 205 экспанатаў ў адзі­наццаці намінацыях.

– Нашы навучэнцы з ахвотаю прымалі ўдзел у гэтым штогадовым спа­борніцтве, – гаворыць намеснік дырэктара па вучэбна-выхаваўчай ра­боце Маларыцкага прафліцэя сельскагас­падарчай вытворчасці Аксана Мірчук. –  Самыя лепшыя і арыгінальныя ёлкі можна было ўба­чыць на выставе,  якая нядаўна праходзіла ў нашай уста­нове адукацыі. Яны былі прадстаўлены ў такіх намінацыях, як, напрыклад, “Год народнага адзінства”, “Муль­тыме­дыяЁлка «Краі­най сваёй ганару­ся»”, “Дызайн-ёлка”, “Хайтэк-ёлка”, “Аль­тэр­натыў­ная ёлка”, “Рэтра­Ёлка”, “Ёлка-трансфор­мер”, “Навагодні суве­нір”, “Святочнае ўпры­гож­ванне”, “Калядная кам­пазіцыя” і інш. Навучэнцы да спра­вы падышлі з фанта­зіяй і энтузіязмам, прадэман­стравалі тэхнічныя ве­ды і эстэтычны густ. Многія работы ўдзель­нікаў конкур­су адрозні­валі­ся сваёй інды­ві­дуальнасцю, вы­сокай якасцю і скла­данасцю выканан­ня, арыгінальнай творчай задумай канструкцыі, практычнасцю.

Навучэнцы сумесна з выкладчыкамі і майст­рамі вытворчага навучання, а таксама са сваімі бацькамі выраблялі ёлкі і навагоднія ўпры­гожванні з розных падручных матэрыялаў. Конкурсныя экспана­ты дызайнераў і канструк­тараў з Маларыцкага прафліцэя выклікалі за­хапленне і нават здзіў­ленне. Мноства незвычайных і разнапланавых тэхнічных ідэй! Юнакі “змайстравалі” ёлачныя прыгажуні, напрыклад, з  драўляных брускоў, запалак, запасных частак трактароў і аўтамабіляў, каналізацыйных труб ПВХ, гаечных ключоў, а таксама выразалі з фанеры. На выставе можна было таксама ўбачыць касматую ёлку, зробленую з правадоў з выцягнутымі з іх валокнамі, ёлку-святлафор, ёлку з балтоў і гаек, ёлку з непатрэбных мікрасхем… А яшчэ былі ёлкі з дрэва, пластмасы, чароту,  металу,  нітак, шкляных лямпачак і нават з запасных частак да трактара.

Журы ўстановы адука­цыі выбрала лепшыя экспанаты і накіравала іх на абласны этап  творчага спаборніцтва. Па яго выніках тры работы навучэнцаў Маларыцкага прафліцэя ўзнагароджаны дыпло­мамі ІІІ ступені. У намі­нацыі “Хайтэк-Ёлка” такой узнагародай адзначаны экспанат “Піраміда снегавіка” (начны свя­цільнік) навучэнцаў  На­зара Пракудзіна і  Вя­часлава Сымоніка (кі­раў­нік Уладзімір Ня­фё­даў), у намінацыі “Рэт­ра­Ёлка” – экспанат “Ёлка дзяцінства” на­вучэнца Арцёма Цялі­гі (кіраўнік Надзея Дзем’­янюк), у намінацыі “Аль­тэрнатыўная ёлка” – экспанат “Ёлка аўта­мабіліста” навучэнца Антона Мерчука (кіраўнік Любоў Заруцкая).

Віншуем пераможцаў конкурсу!

Мікалай  НАВУМЧЫК.