Лепшы малады настаўнік Маларытчыны

Падведзены вынікі  раённага этапу  абласнога конкурсу “Малады настаўнік Брэстчыны”.  Ён праводзіцца адзін раз у тры гады сярод педагогаў, якія ў сістэме адукацыі працуюць не больш за пяць гадоў. Конкурс прадугледжваў выяўленне творчых і таленавітых маладых настаўнікаў, стварэнне ўмоў для іх прафесійнай і асобаснай самарэалізацыі, павышэння прэстыжу прафесіі настаўніка.

Кожны год  маладыя спецыялісты папаўняюць рады настаўніцтва раёна. Сярод іх, безумоўна, ёсць народжаныя для гэтай прафесіі, якія з першага дня самастойнай працы самааддана шчыруюць на педагагічнай ніве. Задача аддзела па адукацыі і ўстаноў адукацыі якраз у тым, каб своечасова разглядзець, падтрымаць, дапамагчы ім стаць сапраўднымі прафесіяналамі,  асобамі творчымі, настаўнікамі з вялікай літары. Конкурс педагагічнага майстэрства сярод маладых настаўнікаў і павінен выявіць такіх.

Спаборніцтва праходзіла ў два этапы. На першым, раённым, канкурсанты пра­водзілі ўрок у сваім і незнаёмым класе, а таксама прадастаўлялі на суд журы матывацыйны відэаролік “Чаму я вырашыў стаць нас­таўнікам?” Па выніках конкурсных выпрабаванняў лепшым маладым педагогам Маларытчыны стаў  настаўнік  матэматыкі Макранскай СШ Аляксандр Аксянюк. Неабходныя конкурсныя  матэрыялы ўжо накіраваны на абласны этап. Хутка журы адбярэ шэсць лепшых. Гэтыя канкурсанты і прымуць удзел у фінальным этапе спаборніцтва.

Аляксандр Аксянюк закон­чыў СШ №1 Маларыты,  фізіка-матэматычны факультэт Брэсцкага дзяржаўнага ўніверсітэта імя А.С.Пушкіна. На першае месца працы настаўнікам матэматыкі быў накіраваны ў Магілявецкую СШ Пружанскага раёна. Затым праходзіў тэрміновую ваенную службу. У Макранскай СШ працуе  з 1  верасня 2019 года.

Мікалай  НАВУМЧЫК.

Фота аўтара.

Поделиться:
  •  
  • 8
  •  
  •  
  •  
  •  

Добавить комментарий