Сто дарог, знайдзі сваю

У Маларыцкай раённай гімназіі прайшла дэкада прафарыентацыі “Выбраць прафесію – выбраць лёс”. Асноўнай яе мэтай было паглыбленне ведаў вучняў пра розныя прафесіі, дапамога ім зарыентавацца і вызначыцца з будучай прафесіяй. Сапраўды, каб кожны дзень з радасцю і задавальненнем хадзіць на працу, неабходна знайсці сабе такую справу па душы, абраць такую прафесію, каб яна прыносіла радасць.

Падчас дэкады прай­шлі сустрэчы з прад­стаўнікамі розных пра­фесій, экскурсіі ва ўста­новы, арганізацыі. На­прыклад, вучні 8 “А” кла­са (класны кіраўнік Алена Саўчук) наведалі аддзел ЗАГСа Маларыц­кага рай­выканкама. Запамі­нальнай атрымалася экскурсія і для вучняў 7 “А” класа (класны кіраўнік Ала Грыцэнка), 7 “Б” класа (класны кіраўнік Святлана Пуціна)  і 7 “В” класа (класны кіраўнік Наталля Гардынец) на ўчастках па сартаванні другаснай сыравіны Маларыцкай ЖКГ.

Вучні 10 “А” класа пабывалі ў раённай бібліятэцы. Падчас мерапрыемства “Ствары сваю будучыню” пра асаблівасці сваёй прафесіі ім расказалі загадчыца аддзела абслугоўвання раённай бібліятэкі Валянціна Ібрагімава, загадчыца аддзела бібліятэчнага маркетынгу Галіна Кучына, метадыст Маларыцкага раённага метадычнага цэнтра куль­турна-асветніцкай работы Яўгенія Наўрасюк. Выступоўцы рас­казалі пра найбольш запатрабаваныя на сённяшні дзень прафесіі,  звярнулі асаблівую ўвагу на пра­фесію бібліятэкара і метадыста ў сферы  культуры.

Са старшакласнікамі ўста­новы аду­кацыі суст­ракаліся прадстаўнік Ві­­цебскай дзяр­жаўнай акадэміі ве­тэрынар­най медыцыны Уладзімір Яцына,  а таксама адказ­ны сакратар прыёмнай камісіі Брэсцкага дзяржаўнага ўніверсітэта імя А.С.Пушкіна Таццяна Дзямчук. З іх выступ­лення дзяў­чаты і юнакі даведаліся пра шмат­профільнасць і шмат­узроўне­васць адукацыі ва ўніверсітэтах, пра этапы ўступнай кампаніі і формы навучання, пра спецыяльнасці, якія можна набыць у ВНУ.

Падчас дэкады для вучняў пачатковых класаў прайшлі сустрэчы-класныя гадзіны “Прафесіі знаёмыя і незнаёмыя”. Да вучняў 1 “А” класа (класны кіраўнік Ала Пятрова),  напрыклад,  у госці завіталі іх бацькі. Цікава  расказвалі пра тое, чым займаюцца, бацька Ільі Раманко (клірык храма свяціцеля Мікалая Цуда­творцы Маларыты іерэй Сергій Раманко) і Марыі Якубчык (старшыня раённага Савета дэпутатаў Алег Якубчык).

Напрыканцы сустрэчы гос­ці адказалі на пытанні перша­класнікаў.

Мікалай  НАВУМЧЫК.

Фота аўтара.