На пляжнай спартыўнай пляцоўцы ў гарадскім парку Маларыты прайшоў чэмпіянат па пляжным футболе сярод мужчынскіх каманд

На пляжнай спартыўнай пляцоўцы ў гарадскім парку Маларыты прайшоў чэмпіянат па пляжным футболе сярод мужчынскіх каманд, прысвечаны Дню моладзі. За права называцца лепшай і кубак спаборніцтва змагалася шэсць каманд. Гульні праходзілі па кругавой сістэме ў дзвюх падгрупах пры падтрымцы шматлікіх балельшчыкаў. За час правядзення спаборніцтва было сыграна 9 матчаў.

У групе “А” першае месца заняла каманда “РАУС”, другое – “НікМа”, трэ­цяе – “Арыён”, у групе “В” на першым месцы замацавалася каманда “Кансервавагароднінасушыльны кам­бінат”,  на  другім – “Прафліцэй”, на трэцім – “Team junior”. Балельшчыкі з нецярпеннем чакалі фіналу спаборніцтва. У матчы за першае-другое месцы каманда “Кансервавагароднінасушыльны камбінат” сустракалася з “РАУС”. Ва ўпартай барацьбе завадчане выйгралі  з  лікам – 5:1 і сталі пераможцамі спаборніцтва. Трэцяе месца ў турнірнай табліцы заняла каманда “НікМа”, якая ў рашаючай гульні па пенальці з лікам 2:0 (асноўная гульня закончылася ўні­чыю з лікам 3:3) выйграла ў каманды “Прафліцэй”. На пятай пазіцыі замацавалася каманда “Team junior”, якая абыграла “Арыён” з лікам 7:5.

Акрамя таго, як расказвала галоўны суддзя Таццяна Тышкевіч,  арнізатарамі чэмпіянату па пляжным футболе сярод мужчынскіх каманд былі вызначаны: лепшы бамбардзір (ім стаў Сяргей Клімук з каманды  “Кансервавагароднінасушыльны камбінат”),  лепшы ігрок (Максім Сезік, “РАУС”) і лепшы варатар (Валерый Бурштын, “НікМа”).

Заслужаныя ўзнагароды камандам-пераможцам і лепшым ігракам у намінацыях урачыста ўручаў старшыня Маларыцкага раённага Савета дэпутатаў Алег Якубчык.

Мікалай  НАВУМЧЫК.

Фота аўтара