Состоялась встреча старшеклассников с начальником группы призыва на военную службу военного комиссариата Малоритского района Павлом Коньковым

Штогод выпуск­нікі Маларытчыны працягваюць вучобу ва ўстановах ваеннага профілю краіны. Спрыяе гэтаму прафарыентацыйная работа са старшакласнікамі, якая праводзіцца пастаянна.

Яна ўключае розныя мерапрыемствы з удзелам прадстаўнікоў ваеннага камісарыята Маларыцкага раёна і вайсковых часцей Брэсцкага гарнізона. Апошняе таму пацвярджэнне – сустрэча старшакласнікаў раённай гімназіі з начальнікам групы прызыву на ваенную службу ваеннага камісарыята Маларыцкага раёна Паўлам Каньковым, а таксама з намеснікам камандзіра вайсковай часці 48684 па ідэалагічнай рабоце (г. Брэст) маёрам Вадзімам Галубоўскім і псіхолагам гэтай часці старшым лейтэнантам Уладзімірам Скляравым.

Вучняў 10-11 класаў установы адукацыі  на мерапрыемства запрасілі невыпадкова. Ім хутка трэба будзе зрабіць прафесійны выбар. Таму і тэма гутаркі – паступленне ва ўстановы ваеннага профілю. У нефармальнай атмасферы старшакласнікі даведваліся, якія выпра­баванні праходзяць будучыя афіцэры, пазнаючы азы ваеннага майстэрства ў Ваеннай акадэміі Рэспублікі Беларусь. Сярод відавочных пераваг – меншы прахадны бал, 4-гадовы тэрмін навучання, поўнае забеспячэнне харчаваннем, жыллём і іншыя «бонусы». Аднак ёсць важная ўмова: для паступлення неабходна прайсці прафесійны адбор і ўрачэбную камі­сію. Афіцэры таксама расказалі і пра спецыфіку ваеннай службы.

Старшакласнікі атры­малі кампетэнтныя адказы на свае пытанні.

Навум МІКАЛАЕЎ.