У актавай зале Маларыцкай ПМК № 20 прайшло ўрачыстае мерапрыемства

Напярэдадні Дня будаўніка ў актавай зале Маларыцкай ПМК № 20 прайшло ўрачыстае мерапрыемства. Падчас яго ўганароўвалі лепшых работнікаў будаўнічай галіны.

Намеснік старшыні Маларыцкага райвыканкама Дзмітрый Сцепанюк падзякаваў будаўнікам за прафесіяналізм, высокую ступень адказнасці, стваральную, самаадданую працу, неабыякавае стаўленне да справы і пажадаў усім фінансавай стабільнасці, дабрабыту, упэўненасці ў заўтрашнім дні, здзяйсненняў жаданняў і надзей, высокіх прафесійных дасягненняў і поспехаў. Ён узнагародзіў граматай Маларыцкага  раённага выканаўчага камітэта  мантажніка сантэхнічных сістэм і абсталявання Сяргея Дзем’янца, Пісьмом  падзякі  Маларыцкага раённага выканаўчага камітэта – цесляра Віталія Сымоніка, ганаровай граматай камітэта па архітэктуры і будаўніцтве Брэсцкага аблвыканкама  – вадзіцеля Анатолія Казанжы.

Начальнік  Маларыцкай ПМК №20 Яўгеній Чыпышаў падкрэсліў,  што ў поспеху будаўнічай арганізацыі – уклад кожнага работніка прадпрыемства! У кожным дасягненні працоўнага калектыву – майстэрства і любоў да сваёй справы! А галоўны рэсурс прадпрыемства – яго людзі, дакладнае разуменне імі выкананне пастаўленых задач. Ён падзякаваў усім за старанную працу, вернасць прафесіі.

Яўгеній Чыпышаў уручыў  ганаровую грамату  рэспубліканскага саюза будаўнікоў за добрасумленную і самаадданую працу муляру Аляксею Шыгалёву,  ганаровую грамату  Брэстаблсельбуда – муляру Васілію Коцелу,  Пісьмо падзякі  Брэстаблсельбуда –  механіку Валянціну Габрыльчуку. Група работнікаў з рук начальніка атрымала ганаровыя граматы ПМК №20.

Да віншаванняў таксама далучылася і старшыня пярвічнай прафсаюзнай арганізацыі прадпрыемства  Валерыя Шаўчэнка. Яна ўручыла Пісьмы  падзякі Маларыцкай ПМК №20  майстру Вадзіму Ігнацюку і юрысконсульту Алене Алесік.

Пасля ўрачыстай часткі мерапрыемства адбыўся канцэрт, які падрыхтаваў фальклорны калектыў “Талакуха” Дарапеевіцкага Дома фальклору (кіраўнік Ларыса Гузюк). 

Мікалай  НАВУМЧЫК.

Фота аўтара.